.

Saturday, December 26, 2015

Waporaji wauawa Mbagala Kuu

VIJANA wa wawili katika eneo la Mbagala Mkuu wameuawa na wananchi wenye hasira badaa ya kupora beki la mwanamke mmoja mkazi wa Mbagala Kuu.
Tukio hilo lilitokea katika mtaa wa njia ya jeshini lafajiri ya leo ambapo baada ya kupora vijana hao waliokuwa watatu wakiwa na mapanga, bisibisi na vyembe walikimbia hadi mtaa wa makonde ambapo ndipo walipokamatwa na kisha kushambuliw ana wananchi wenye hasira wakiwa na silaha za jadi.
katika tukio hilo mmoja ya vijana hao aliweza kukimbia na kufanikiwa kupona lakini mmoja alikimbilia kwenye moja ya choo kilichokuwa kwenye moja ya nyumba za mtaa huo ambapo wananchi hao walimfuata na kutoa kisha kupiga ambapo alimkata kata kisha kumuunganisha na mwenzake ambao waliwekwa kwenye eneo la wazi kisha kuchomwa moto.
Hata hivyo walikuonekana baadhi ya kina mama wakilia na wengine wakilaani tukio la kuuawa kwa vijana hao ambao hadi sasa bado hawajaweza kutambulika majina yao.
Katika siku za hivi karibuni eneo la Mbagala Kuu wameibuka vijana ambao wamekuwa wakifanya vitendo vya uporaji na uharibifu wa mali.
Desemba 24 mwaka huu mwanamke mmoja alipora kisha kubakwa na vijana ambao hawakufahamika mara moja wakati mwanamke huyo akitokea kazini majira ya saa 3:00 usiku.
Mbali na tukio hilo kumekuwepo na matukio ya kuvamiwa na kuporwa mali watu mbalimbali wakiwa kwenye mageti ya nyumba zao wakiwa wanasubiri kufunguliwa jambo lililozusha hasira kutoka kwa wananchi mbalimbali wa kato hiyo.

Thursday, December 24, 2015

Yanga yapeleka majina 24 CAF

NA SAADA SALIM

KOCHA Mkuu wa Yanga Mholanzi, Hans Pluijm, ana hasira za msimu uliopita kushindwa kuifikisha timu hiyo pazuri kwenye michuano ya kimataifa lakini safari hii ameapa lazima kieleweke.

Unajua kwanini? Mholanzi huyo safari hii amepeleka Shirikisho la Soka Barani Afrika (CAF), majina ya silaha zake 24 huku 10 zikiwa za kimataifa tayari kwa kufanya makubwa mapema Februari mwakani kwenye michuano ya Ligi ya Mabingwa Afrika.

Katika majina hayo 24 ukiwaacha, Thaban Kamusoko, Donald Ngoma, Amissi Tambwe, Haruna Niyonzima, Issoufou Boubacar Garba, Vicent Bossou na Mbuyu Twite, Pluijm ameamua kuleta majembe mengine mawili ya kimataifa ingawa tayari inaye mchezaji mmoja Mnyarwanda, Jerome Sina, anayefanyiwa majaribio.

DIMBA Jumatano limethibitishiwa kwamba Yanga itawaleta straika, Spencer Sautu kutoka Ashanti Gold ya Ghana, ambaye ataungana na beki shupavu aitwae Kabongo kutoka Congo (DRC).

Wawili hao wanakuja wakati wowote nchini kuanzia sasa kufanya majaribio ingawa inaelezwa kwamba kocha Hans anavifahamu vyema viwango vyao vya soka.

Chanzo cha habari cha uhakika kimelieleza gazeti hili kuwa ujio wa wawili hao utafanya timu hiyo iwe na wachezaji 10 wa kimataifa ili kukifanya kikosi chao kiweze kuhimili vishindo vya michuano hiyo mikubwa zaidi barani Afrika na yenye utajiri mkubwa inayoandaliwa na CAF.

Aidha, chanzo hicho kilieleza kuwa Yanga bado inaendelea kumfanyia majaribio kiungo wa Rayon Sport, Jerome Sina, ingawa usajili wake utasubiri kwanza ili kulinganishwa kiwango na Sautu.

Jerome mwenye miaka 26 raia wa Congo (DRC) amemvutia Pluijm na inaelezwa iwapo atafuzu majaribio atasajiliwa mwishoni mwa msimu kwa ajili ya kuibeba Yanga.

"Sasa hivi hatutaki masihara kwani tunahitaji kufika mbali zaidi, ukiangalia msimu uliopita hatukufikia malengo yetu kwa vile tulitolewa mapema ndiyo maana usajili wa wachezaji wa kigeni unafanyika kwa umakini mkubwa tukiamini watasaidiana vyema na wazawa ili mwakani tuweze kuvunja rekodi yetu," alisema mtoa habari.

Alisema tayari benchi la ufundi la timu hiyo limependekeza kupeleka idadi ya majina 24 kwa ajili ya michuano hiyo ya kimataifa ambapo wachezaji hao wawili wanaotarajia kutua hapa nchini wataungana na Sina kwa ajili ya majaribio na baadaye kusaini.

Katika hatua nyingine, Yanga imebadilisha mipango yake ya kwenda kujifua nchini Ghana kwa ajili ya kujiandaa na michuano hiyo na badala yake watabaki hapa nchini na kuzialika timu za nje ili kucheza nazo mechi za kujipima.

Kocha wa Yanga, Hans Van Der Pluijm, ameliambia DIMBA Jumatano kuwa wana mpango wa kuzialika timu tatu za kimataifa ambazo ni Ashanti Gold ya Ghana pamoja na Gor Mahia na KCB zote za Kenya.

"Mpango wetu wa kwenda nje ya nchi umekufa kutokana na ratiba kuingiliana, lakini tumezialika timu nne ambapo mbili za KCB na Gor Mahia tayari zimethibitisha huku Ashanti ikiwa bado," alisema kocha huyo.

Tuesday, October 27, 2015

Busungu, Maguli waitwa Stars

Busungu

KOCHA wa timu ya taifa ya Tanzania 'Taifa Stars', Charles Boniface Mkwasa, jana alitangaza kikosi cha timu hiyo kitakachovaana na Algeria, huku akiwaita mastraika wanaotisha kwa kutupia nyavuni, Malimi Busungu wa Yanga na Elius Maguli wa Stand United waje kukinogesha.
Stars na Algeria zinatarajia kuvaana Novemba 14 jijini Dar es Salaam katika mechi ya kuwania kufuzu kwa fainali za Kombe la Dunia zinazotarajiwa kufanyika jijini Moscow, Russia, mwaka 2008.
Timu hiyo imefanikiwa kuvaana na Algeria katika hatua ya mwisho ya mchujo wa kuwania kupangwa kwenye makundi baada ya kuitoa Malawi katika hatua ya kwanza.
Mkwasa amemuongeza Maguli ambaye amekuwa katika kiwango bora kwenye msimamo wa wafungaji bora wa Ligi Kuu Bara, akiwa na mabao nane wakati Busungu yeye akiwa na mchango mkubwa katika kikosi cha mabingwa watetezi wa Ligi Kuu Bara, Yanga, ambapo pia amefunga mabao mawili kwenye msimamo wa wafungaji wa ligi hiyo.
Akizungumza na waandishi wa habari jana katika Hoteli ya Serena, jijini Dar es Salaam, Mkwasa ametaja wachezaji 28 ambao watakwenda kambini Oman Novemba 2, mwaka huu.
Mkwasa amewataja wachezaji wengine walioitwa kuwa ni makipa, Aishi Manula (Azam FC), Ally Mustafa 'Barthez' (Yanga SC) na Said Mohammed (Mtibwa Sugar).
Mabeki ni Shomary Kapombe (Azam FC), Juma Abdul, Mwinyi Hajji Mngwali, Nahodha Nadir Haroub ‘Cannavaro’, Kelvin Yondan (Yanga SC), Hassan Ramadhan Kessy, Mohammed Hussein 'Tshabalala,' Hassan Isihaka (Simba SC) na Salim Mbonde (Mtibwa Sugar).
Viungo ni Himid Mao, Mudathir Yahya, Salum Abubakar ‘Sure Boy’, Frank Domayo (Azam FC), Jonas Mkude, Said Ndemla (Simba SC) na Salum Telela (Yanga SC), wakati washambuliaji ni Mbwana Samatta, Thomas Ulimwengu (TP Mazembe, DRC), Mrisho Ngassa (Free State Stars, Afrika Kusini), Farid Mussa, John Bocco (Azam FC), Simon Msuva, Malimi Busungu (Yanga SC), Elias Maguli (Stand United) na Ibrahim Hajib (Simba SC).
"Kikosi hicho kitaingia kambini Novemba 1 katika hoteli ya Urban Rose, Dar es Salaam, kabla ya safari ya Muscat, Oman kwa kambi ya siku 10.
"Tukiwa Oman, pamoja na mazoezi, tutacheza mchezo mmoja au miwili ya kujipima na wenyeji wetu, iwapo watakuwa tayari kabla ya kurejea Dar es Salaam Novemba 11 tayari kwa mchezo wa kwanza na Algeria Novemba 14, Uwanja wa Taifa,” alisema Mkwasa.
Alisema kikosi hicho kitaondoka Dar es Salaam kwenda Algiers Novemba 16 mwaka huu, tayari kwa mchezo wa marudiano Novemba 17, nchini Algeria.

Wednesday, October 14, 2015

Habari njema kwa watu wote

KAMPUNI YA WAZALENDO BRIGHT MEDIA Inatoa punguzo kwenye huduma zake kuanzia Septemba Mosi 2015 hadi Januari 30, 2016. Tuduma zinazotolewa ni pamojana Kuandaa mikutano na Waandishi wa habari, kuandaa matangazo ya redio, tv na magazeti, Logo aina zote, Mabango makubwa na madogo, Diary, Business Cards, Video Productions, Vehicles Branding, Vipindi vyote vya Tv na Radio ikiwemo filamu.
Pia tunatengeneza websites na blogs.
Njoo upate bidhaa bora kwenye kampuni bora. Tupo Ilala, Kinondoni na Temeke.
Wasiliana nasi kwa namba.
+255 784 890 387
Email: nellymtanzania@gmail.com
Pia tunapatikana kwenye www.dirayaulimwengu.blogspot.com
Hizi ni baadhi ya bidhaa zetu.

Zifuatazoni miongoni mwa kazi zilizofanywa hivi karibuni.

Wednesday, September 9, 2015

Yanga yaanza tizi maalumu

NA SALMA MPELI
KAZI imeanza! Zikiwa zimesalia siku tatu kabla ya kuanza kwa Ligi Kuu ya Vodacom Tanzania Bara, kikosi cha mabingwa watetezi wa ligi hiyo, Yanga, kimeanza kufanya tizi maalumu kwa ajili ya mechi yake ya kwanza dhidi ya Coastal Union ya Tanga, itakayoanza kukipiga nayo Jumapili kwenye Uwanja wa Taifa, jijini Dar es Salaam.
Mechi hiyo inapigwa huku Yanga ikiwa na kumbukumbu ya kuwafunga Coastal Union mabao 8-0 katika mechi ya mwisho kuzikutanisha timu hizo msimu uliopita.
Yanga, ambayo iliachana na mpango wa kuweka kambi Bagamoyo kwa ajili ya mechi hiyo, imeamua kujifua kwenye uwanja wake wa Kaunda kwa kocha wake, Hans van Pluijm kuwapa wachezaji tizi maalumu baada ya wachezaji wote wa kikosi kizima kutimia.
Hatua hiyo imekuja baada ya kikosi cha timu hiyo kukamilika kutokana na wachezaji wake tisa waliokuwa kwenye vikosi vyao vya timu za Taifa kurejea na kujiunga na timu hiyo katika mazoezi yaliyoanza jana kwenye Uwanja wa Kaunda.
Wachezaji hao ni pamoja na Ally Mustafa 'Barthez,' Kelvin Yondan, Nadir Haroub 'Cannavaro,' Simon Msuva, Deus Kaseke, Haji Mwinyi ambao walikuwa katika kikosi cha Taifa Stars, huku wachezaji Haruna Niyonzima akiwa na timu yake ya Taifa ya Rwanda, Vicent Bosou akiitumikia Togo, pamoja na Amis Tambwe aliyekuwa na timu yake ya Taifa ya Burundi.
Akizungumza na DIMBA Jumatano, Meneja wa Yanga, Hafidh Saleh, alisema tayari wachezaji hao wote waliokuwa kwenye timu zao wamesharejea nchini na kuanza mazoezi ya pamoja jana, isipokuwa Niyonzima ambaye alitarajiwa kuwasili jana jioni.
Awali Yanga walikuwa wakifanya mazoezi asubuhi tu, lakini baada ya kikosi kizima kukamilika kwa sasa dozi imeongezeka na wanafanya kutwa mara mbili, yaani asubuhi na jioni.
Akizungumzia kuhusu kukacha mpango wa kwenda Bagamoyo, Hafidh alisema wameamua kubaki jijini Dar es Salaam wakiamini kuwa wanaweza wakapata kile wanachokihitaji wakiwa hapahapa.
Hiyo ni kambi ya pili kuahirishwa na klabu hiyo kwenye maandalizi yao msimu huu, ambapo awali walipanga kujichimbia visiwani Zanzibar, lakini baadaye mipango hiyo ikayeyuka.

"Tumeona hakuna haja ya kwenda tena Bagamoyo, timu itabaki hapa na kuendelea na ratiba yake ya mazoezi katika Uwanja wa Kaunda na tayari kikosi kimekamilika baada ya wachezaji wote kurejea na itakuwa ikifanya mazoezi asubuhi na jioni," alisema Hafidh.
Alisema, kikosi chao kipo vizuri na wana imani wataanza kwa kutoa dozi kwenye mchezo huo wa kwanza na kuendeleza ushindi kwenye mechi nyingine.
Wanajangwani hao wamepania kupata pointi tisa katika michezo yao mitatu ya kwanza dhidi ya Coastal Union, Tanzania Prisons na JKT Ruvu, kabla ya kuvaana na watani wao wa jadi, Simba katika mechi ya nne.
Yanga imefanikiwa kufungua vizuri msimu mpya wa Ligi Kuu Bara, baada ya kufanikiwa kutwaa Ngao ya Jamii dhidi ya Azam, mchezo uliopigwa Septemba 22, mwaka huu, kwenye Uwanja wa Taifa, Dar es Salaam.

Pointi 11 za Stars kuelekea Afcon hizi hapa

TIMU ya Taifa ya Tanzania, Taifa Stars, Jumamosi iliyopita ilishindwa kupata pointi tatu nyumbani mbele ya Nigeria, mchezo ambao ulikuwa ni wa kufuzu kwa michuano ya Afrika (Afcon) mwaka 2017.

Binafsi niwapongeze wote waliofanikisha kupatikana kwa matokeo ya sare kutokana na ukweli kwamba Nigeria ni timu kubwa na yenye jina Afrika na duniani kote.

Pongezi hizi ziende kwa wachezaji waliojitoa kwa hali na mali kuhakikisha kuwa wanapata ushindi ingawa matokeo hayakuwa hivyo kama walivyotaka au kama ilivyokuwa kiu ya Watanzania walio wengi akiwemo mimi mwenyewe niliyetarajia Nigeria ingenyolewa kwenye Uwanja wa Taifa.

Hii ina maana kwamba, dawati la ufundi linaloongozwa na Kocha Charles Mkwasa na msaidizi wake Hemed Morocco, wamefanya kazi kubwa kuhakikisha kuwa kikosi kinapata matokeo bora na japo haikuwa hivyo lakini pointi moja si haba kwani tayari ndiyo mwelekeo bora wa kufika katika mafanikio.

Nikiangalia kikosi cha Stars bado kina nafasi kubwa ya kupata nafasi ya kushiriki michuano ya Afcon iwapo kikifanikiwa kupata pointi 10 muhimu ambazo mimi naamini ndizo zinazoweza kusaidia kuwa na uhakika wa kupata nafasi mbili za juu.

Baada ya kupoteza kwenye mchezo wa kwanza dhidi ya Misri, lakini naamini itafanikiwa kushinda mechi mbili dhidi ya Chad ambapo mchezo wa kwanza itakuwa ni Machi 26 mwakani na itakuwa ni mechi ya ugenini.

Kwa maana hiyo, Stars itahitaji kupata pointi hizo tatu ili kuwa na pointi nne mkononi kabla ya kucheza mechi za marudiano wiki inayofuata yaani itakuwa Machi 28 mwaka 2016 hivyo michezo hiyo miwili lazima Stars ipate ushindi.

Ikifanikiwa kunyakua pointi sita kutoka Chad utakuwa ni mtaji mkubwa kuelekea michuano ya Afcon kwani tayari wababe wawili, Misri na Nigeria watakuwa wameshakutana na kurejeana hivyo mwanga wa nani atakayekwenda na atakayebakia utakuwa umeshaanza kuonekana.

Kwa mazingira hayo naamini kuwa mikakati ikianzia sasa hili ni jambo linalowezekana na Stars ikavunja mwiko wa kutoshiriki michuano hiyo kwa zaidi ya miaka 30 sasa.

Mechi nyingine muhimu ambayo naamini inaweza kuwa sehemu ya mtaji kwetu kama Watanzania ni ile ya Juni 4 mwaka 2016, ambapo Stars itakuwa ikicheza na Misri kwenye Uwanja wa Taifa Dar es Salaam.

Mchezo huu ni muhimu zaidi kwa sababu Stars inahitajika kushinda kwa gharama yoyote iwavyo hali itakayoifanya kuwa na pointi 10 kwani itakuwa imeshinda mechi tatu sawa na pointi tisa ambazo ukijumlisha na pointi moja iliyonayo kwa sasa tayari mwelekeo utakuwa ni mzuri.

Vile vile mchezo wa Tanzania na Nigeria utakaopigwa Septemba 2 mwaka 2016 jijini Lagos, utakuwa ni wa kukamilisha ratiba tu lakini Stars ikihitaji kupata japo pointi moja tu ili kuwa na pointi 11 ambapo itakuwa ni mtaji mkubwa kwao.

Stars ambayo ipo Kundi G kwa sasa inashika nafasi ya tatu baada ya kucheza mechi mbili ikitoa sare moja, ikifungwa moja ambapo haijafunga bao lolote lakini ikifungwa mabao matatu ikiwa na pointi moja.

Misri ndiyo inayoongoza kundi hilo ikiwa na pointi sita baada ya kucheza mechi mbili na kushinda zote huku ikiwa imefunga mabao nane ikifungwa bao moja na huku Nigeria ikishikilia nafasi ya pili kwa kucheza mechi mbili ikishinda moja na kupata sare moja huku ikiwa na pointi nne.

Kwa mwelekeo huu hadi sasa bado naona uwezo wa kupata nafasi mbili za juu kwa Stars ni mkubwa kwani kwa hesabu nilizoainisha hapo awali ni wazi kuwa nafasi yao si mbaya ila kinachotakiwa ni mipango endelevu.

Ninachokiona cha haraka kinachoweza kufanyika kwa wakati huu ni mikakati iliyopo iendelezwe ikiwemo kupatikana kwa mechi za kirafiki za mara kwa mara kabla ya mwezi Machi mwakani kwa maana angalau kila mwezi ipatikane mechi moja ngumu ya kirafiki.

Baadhi ya mechi ambazo naamini zinaweza kuwa msaada mkubwa ni kucheza ugenini na nchi kama Jamhuri ya Kidemokrasia ya Kongo, Tunisia, Angola, Mali au Togo na ikiwa mechi za ugenini inaweza kuwa msaada mkubwa zaidi kwa Stars ili wachezaji wake waweze kupata uzoefu kwenye mechi za ugenini.

Hizi ndizo hesabu zangu ambazo naamini zitaweza kuwa msaada kwa nchi yetu kwani pointi 10 zinawezekana kupatikana kama dhamira ikiwepo kama ambavyo ilionekana Jumamosi iliyopita kwenye Uwanja wa Taifa.

Wednesday, September 2, 2015

Watu wanaishi baharini yagundilika Ufilipino

Hii ni jamii ya wavuvi inayopatikana katika nchi ya Ufilipino. Ni miongoni mwa makabila nchini humo yanayoeshimu utamaduni na mila zake kwani kwa zaidi ya karne tatu imeendelea kuishi kwenye maisha ya baharini ambapo zaidi imekuwa ikivua kwa ajili ya matumizi ya chakula tu na kama ikitokea ziada ndiyo huuzwa. Kabila hili linaitwa Tagbanua ambao mahali linaloishi hakuna huduma ya umeme, hospitali wala maduka ila wanaishi kwa kutegemea bahari pekee. Picha kwa hisani ya Jacob Maentz wa gazeti la dailymail la Uingereza.